漸漸發覺間唔中睇下人地既xanga都幾得意架~ 除左八掛想知道多o的野之外，仲其實可以係go through每一個entry既同時得知到其他人既思維同諗野模式~
呢個世界唔係單單得自己一個，多點去了解周遭既人和事 in fact 係好重要架~ 每個individual都擁有著唔同既mindset，為左要懂得點樣去與身邊既人交往，擴闊自己既視野係好好好重要既~
尋日，又俾我係唔知邊個既xanga度睇到一篇<出世論VS入世論>..... 起初我都不以為然，但當我細心o的觀察，就發現到我個名竟然出現左係佢個entry裡面 (其實我都唔係好清楚佢個篇entry究竟講緊o的乜，而我亦無必要去find out).... 篇野既內容係約略係咁既~
<<<<我曾經入世，現在卻厭倦某些世俗的東西。(扮作入世，只是欺騙自己) 但在這裡，我還未夠資格不問世事，過歸隱的生活。因此，我一定要重出江湖，過回世俗的生活，否則，我會很快被淘汰。希望自己能盡快再次融入世俗的圈子裡。但當然，人始終要死，鬥來鬥去，最後還是一場空，多麼諷刺。>>>>
我睇完呢篇野之後，覺得都幾有啟發性~
我相信如果有得去選擇既話，人人都唔想去將自己既性格扭曲黎迎合世俗既生活.... 更不想令自己被捲入無謂既政治鬥爭或者漩渦入面，只不過有時o係客觀因素上係無法避免既~
世間上有好多事縱使我地幾不滿或幾不願意都好，都係要去做既~ 人類生存係呢個世界上，不論從古至今又或者從小到大，都係無停過去追逐同競爭..... 點解? 咪就係因為全世界既資源基本上係缺乏既，根本唔可能去satisfy所有人既欲望~ (this is a fundamental matter of necessity & scarcity~)
以前人類打打殺殺就係為左爭奪食物，呢家人類爾虞我詐就好明顯係為左利益同權力~ 根本就係同出一轍~
係! 無錯~ 鬥生鬥死倒頭來真係無乜意思~ In reality, everybody do end up with nothing upon death... with no exceptions~ 但再諗深一層，係現今呢個事事講關係講利益既社會裡面 (係現實又好，點都好啦，呢個係你同我都無法否定既事實)，人若果唔入世，點樣生存? 點樣立足?
Theoretically，個個都想學李白或者杜甫咁過與世隔絕既生活，但係practically又可唔可行呢?
呢個問題認真值得深思~ | 
